Belarusda Hərbi Hava Qüvvələri və Hava Hücumundan Müdafiə Qoşunlarının və Rusiya Aerokosmik Qüvvələrinin birgə təlimləri başlayıb. Bu barədə Belarus Müdafiə Nazirliyinin mətbuat xidməti məlumat yayıb.
“Mayın 27-dən 31-dək olan müddətdə Belarus Respublikası və Rusiya Federasiyasının vahid regional hava hücumundan müdafiə sisteminin təkmilləşdirilməsi çərçivəsində və idarəetmə orqanlarının və uçuş heyətinin qarşılıqlı fəaliyyətinin və təliminin artırılması mənafeyində, Hərbi Hava Qüvvələri və Hava Hücumundan Müdafiə Qoşunları komandanının rəhbərliyi altında Belarus Respublikası Silahlı Qüvvələrinin Hərbi Hava Qüvvələri və Hava Hücumundan Müdafiə Qoşunlarının və Silahlı Qüvvələrin Aerokosmik Qüvvələrinin qüvvə və vasitələri ilə birgə taktiki-uçuş təlimi keçirilir”, – mesajda deyilir.
Belarus Müdafiə Nazirliyi bildirib ki, təlimlər zamanı “hökumət və hərbi obyektlərin hava zərbələrindən qorunması problemlərinin həlli” üzərində iş aparılacaq. “Bundan əlavə, aviasiya poliqonlarında ekipajlar quru qoşunlarının bölmələrinin əhatə olunması maraqları naminə bir sıra məsələləri praktiki olaraq həll etməli olacaqlar”, – deyə hərbi idarədən bildirilib. (Tass)