Belçika BMT Baş Assambleyasının sentyabrda keçiriləcək sessiyasında Fələstini tanıyacaq və İsrailə qarşı sanksiyalar tətbiq edəcək. Bu barədə krallığın xarici işlər naziri Maksim Prevost məlumat verib.
“Belçika BMT-nin sessiyasında Fələstini tanıyacaq. İsrail hakimiyyətinə qarşı sərt sanksiyalar tətbiq olunacaq. [Fələstin radikal hərəkatı] HƏMAS tərəfindən antisemitizmin hər hansı təzahürü və terroru tərifləməsi də qətiyyətlə pislənəcək” deyə X -də Prevost yazıb ki, Belçika Səudiyyə Ərəbistanı və Fransanın birgə təşəbbüsü çərçivəsində Fələstin dövlətini tanımaq niyyətindədir.
Belçika Xarici İşlər Nazirliyinin rəhbəri əlavə edib ki, İsrailə qarşı sanksiyalara İsrail yaşayış məntəqələrindən idxala qadağa, İsrail şirkətlərindən dövlət satınalmaları siyasətinə yenidən baxılması, “beynəlxalq hüquqa görə qeyri-qanuni hesab edilən məskunlaşma ərazilərində yaşayan” belçikalılara konsulluq yardımına məhdudiyyətlər, o cümlədən hüquqi prosedurlar, Belçika ərazisi üzərindən uçuşlara və bir sıra insanların bu ərazidən tranzit keçməsinə məhdudiyyətlər daxildir. Bundan əlavə, Prevost-un məlumatına görə, Belçika iki İsrail nazirini, israilli köçkünləri və Həmas liderlərini personae non gratae elan edəcək. “Le Soir” qəzetinin məlumatına görə, bu, milli təhlükəsizlik naziri İtamar Ben-Qvir və maliyyə naziri Bezalel Smotriçə aiddir. (Tass)