“Soir” qəzeti krallığın Müdafiə Nazirliyinə istinadən yazır ki, Belçika oktyabr ayına qədər ABŞ-dan ilk dörd F-35 döyüş təyyarəsini alacaq.
2018-ci ildə sifariş edilən 34 F-35 təyyarəsinin ilk partiyasının ilk olaraq 2022-ci ildə çatdırılması planlaşdırılırdı, lakin o vaxtdan bəri bir neçə dəfə təxirə salınıb. Belçika hökuməti daha əvvəl Ukraynaya vəd etmişdi ki, krallıq ilk F-35-lərini alan kimi istismardan çıxarılan F-16 təyyarələrini ona təhvil verməyə başlayacaq. Əvvəlcə Kiyevin 2024-cü ilin dekabrında iki köhnə Belçika F-16 təyyarəsi alacağı güman edilirdi, sonra bu tarixlər 2025-ci ilin martına, indi isə oktyabr-noyabr aylarına keçirilib.
Belçikada 54 F-16 qırıcısı var, onlardan neçəsinin işlək olduğu bilinmir. Hökumət hazırda hərbi xərclərin artırılması və silahlı qüvvələrinin döyüş qabiliyyətinin təkmilləşdirilməsi çərçivəsində ABŞ-dan 11 F-35 təyyarəsi üçün əlavə sifariş verməyi nəzərdən keçirir. (Tass)