Beynəlxalq Cinayət Məhkəməsi (ICC) Qəzza zolağında mümkün cinayətləri fəal şəkildə araşdırır. Bunu X-də (keçmiş Twitter) məhkəmə prokuroru Kərim Xan bildirib.
“Bombalamalar və İsrail qüvvələrinin Rəfah şəhərinə mümkün müdaxiləsi ilə bağlı xəbərlərdən dərin narahatlıq keçirir. Prokurorluq Fələstindəki vəziyyətlə bağlı fəal araşdırma aparmağa davam edir. Bu fəaliyyət son dərəcə vacibdir və məqsədi Roma Statutunda bildirilən cinayətlərə görə məsuliyyət daşıyanları ədalət mühakiməsinə cəlb etməkdir.”
Prokuror qeyd edib ki, o, dəfələrlə müharibə qanunlarına və adətlərinə riayət etməyə çağırıb, lakin indiyədək İsrailin davranışında nəzərəçarpacaq dəyişiklik görməyib. “Dəfələrlə vurğuladığım kimi, qanuna əməl etməyənlər sonradan prokurorluq öz mandatına uyğun tədbirlər gördükdən sonra şikayət etməməlidirlər” deyən Xan, “Qanun pozanlar cavab verəcək”deyə bildirib.
Bundan əlavə, prokuror bütün girovları dərhal azad etməyə çağırıb. “Bu, həm də araşdırmalarımızın vacib bir sahəsini təmsil edir”. (Tass)