Biləsuvar rayonunda Gəncə Qarnizonu İdeoloji və Mədəniyyət Mərkəzinin və Biləsuvar Rayon İcra Hakimiyyətinin birgə təşkilatçılığı ilə Müstəqilliyin Bərpası Gününə həsr olunan “Əsgərə məktub” layihəsi keçirilib.
AZƏRTAC-ın bölgə müxbiri xəbər verir ki, tədbirdə rayon icra hakimiyyətinin nümayəndələri, şəhid ailələrinin üzvləri, qazilər, müharibə veteranları, rayonun orta təhsil məktəblərinin şagirdləri, ictimaiyyət nümayəndələri iştirak ediblər.
Layihə iştirakçıları Azərbaycan Ordusu sıralarında xidmət edən əsgərlərə xoş arzularını ünvanlayıb, onlara xalqımıza qələbə sevincini yaşatdıqlarına görə sonsuz minnətdarlıqlarını çatdırıblar.