Yaxın Şərqdəki digər ölkələr və qruplaşmalar münaqişəyə birbaşa müdaxilə edərsə, İsrail beş cəbhədə müharibə aparmağa məcbur ola bilər. Bu barədə “Bild” qəzeti “Le Beck” analitik mərkəzinin ekspertlərinə istinadən məlumat yayıb.
Nəşr mərkəzin araşdırmasının nəticələrindən sitat gətirir: “Biz daha da genişlənmək üçün böyük potensiala malik uzanan münaqişə ilə üzləşirik”.
Qəzet yazır ki, İsrail ölkənin qərbində HƏMAS-la vuruşarkən və şimalda özünü Livan raketlərindən müdafiə edərkən, bu münaqişənin genişlənərək “beş cəbhədə müharibəyə” çevrilməsi təhlükəsi var. Qəzet iddia edir ki, İsrail üçün potensial təhlükə “uzun illərdir HƏMAS və Hizbullah terror təşkilatlarını maliyyələşdirən” İrandan gəlir. Bundan əlavə, analitik mərkəzin ekspertləri İraq və ya Yəmənin münaqişəyə cəlb olunma təhlükəsini istisna etmirlər, lakin hələlik bu nəzəriyyəni ciddi şəkildə nəzərdən keçirmirlər.
Tədqiqatçılar əlavə edib ki, “İsrail Qəzza zolağına hücum edib HƏMAS-ı məhv etməyə cəhd etsə, bu təbii təzyiq daha da güclənəcək. (Tass)