İstanbulun Bahçelievlerdə ard-arda iki binanın uçmasından sonra meqapolisdəki bərbad binalar bir daha yada düşdü. Yıldız Texniki Universiteti İnşaat Mühəndisliyi fakültəsinin professoru Prof. Dr. Ali Koçak binaların öz-özünə çökməsinin ən mühüm səbəbinin keyfiyyətsiz materiallar və sonradan çox mərtəbə əlavə edilməsi olduğunu ifadə edərək, “Təəssüf ki, İstanbulda özbaşına çökə biləcək 50 minə yaxın riskli bina var. Yəni hər rayonda ən azı 1000 belə bina var” deyib.
İyunun 2-də Küçükçekmecedə 3 mərtəbəli binanın çökməsindən bir ay keçməmiş, şəhərdə yeni çökmə baş verib. Bahçelievlerdə 3-ü qeyri-qanuni olan 7 mərtəbəli bina səhər saatlarında qismən uçub. Bir neçə saat sonra Bahçelievlerdə 4 mərtəbəli binanın damı uçub. Ardıcıl baş verən hadisələr meqapolisdə nə qədər binanın kortəbii dağılma riski ilə üzləşdiyi sualını ağlına gətirdi.