ABŞ-ın 13 Demokrat senatoru humanitar əsaslarla Qəzza zolağında hərbi əməliyyatların qısa müddətə dayandırılmasına çağırıb. Bu barədə Massaçusets senatoru Ed Markinin saytında dərc edilmiş bəyanatda deyilir.
Mətndə deyilir: “Biz senatorlar olaraq Qəzzada döyüşlərin gedişatını yaxından izləyirik və inanırıq ki, mülki insanları qorumaq üçün daha çox iş görülməlidir”.
Çağırış müəllifləri qeyd edirlər ki, bu addım anklav sakinlərinə humanitar yardımın çatdırılması və girovların azad edilməsi üçün daha fəal səylər göstərmək üçün lazımdır. Qanunvericilər həmçinin ümid edirlər ki, müvəqqəti atəşkəs İsrail və Fələstin liderlərinə, eləcə də onların regional və qlobal tərəfdaşlarına “bölgədə onilliklərlə davam edən münaqişəni aradan qaldırmaq üçün uzunmüddətli strategiyaları” müzakirə etmək imkanı verəcək. (Tass)
