ABŞ prezidenti Co Bayden İordaniyada Amerika qüvvələrinə hücuma cavab tədbirləri ilə bağlı qərarlar verib, lakin Vaşinqton belə addımlar barədə açıqlama verməyəcək. Bunu Ağ Evin Milli Təhlükəsizlik Şurasının (MTŞ) strateji kommunikasiyalar üzrə koordinatoru Con Kirbi keçirdiyi brifinqdə deyib.
“Əvvəlcə dediyim kimi, gələcəkdə mümkün hərbi əməliyyatlar barədə danışmayacağam. Bu, edə biləcəyim ən pis şeydir”, – deyə Kirbi suala cavab verib. “Prezident cavabla bağlı qərar verdi. Ona variantlar təqdim edildi” deyən Ağ Ev sözçüsü Baydenin “seçimini və qərarını verdiyini” vurğulayıb. (Tass)