ABŞ administrasiyası İsraili Livanın şiə Hizbullah hərəkatına qarşı əməliyyatlar nəticəsində mülki infrastruktura və mülki şəxslərə dəyən zərəri minimuma endirmək üçün mümkün olan hər şeyi etməyə çağırmaqda davam edir. Bunu Dövlət Departamentinin mətbuat xidmətinin rəis müavini Vedant Patel brifinqdə deyib.
“İsrail mülki infrastrukturu hədəf almamaq və beynəlxalq humanitar hüquqa riayət etmək üçün mümkün olan hər şeyi etməlidir və bütün əməliyyatlarında mülki şəxslərə və mülki infrastruktura dəyən zərəri azaltmalıdır”, – o deyib. Patel vurğulayıb ki, ABŞ prezidenti Co Bayden İsrailin baş naziri Binyamin Netanyahu ilə söhbətlərində bu məsələni dəfələrlə qaldırıb. (Tass)