Vaşinqton hələlik Karib dənizi regionunda hərbi mövcudluğunu artırmağı planlaşdırmır, lakin lazım gələrsə, buna hazır olacaq. Bu barədə jurnalistlər üçün keçirdiyi növbəti brifinqdə Pentaqonun mətbuat katibinin müavini Sabrina Sinq bildirib.
Ondan soruşdular ki, Vaşinqton “Karib dənizinə [bölgəyə] hərbi gəmilər, təyyarələr və digər aktivlər göndərirmi? “Hazırda bunu etmirik. Amma təbii ki, bizdən bunu Daxili Təhlükəsizlik Departamenti və ya Dövlət Departamenti tələb edərsə, lazım gələrsə, resurslarımızı köməyə ehtiyacı olan istənilən bölgəyə yerləşdirə bilərik. Güman edirəm ki, siz Haitidən danışırsınız və hazırda bizim diqqətimiz səfirlik işçilərinin təhlükəsizliyidir”, – deyə Sinq bildirib.
(Tass)