Birləşmiş Ştatlar Yaxın Şərqdəki tərəfdaşları ilə Qəzza zolağının münaqişədən sonra nizamlanması məsələsini müzakirə edir. Bunu ABŞ Senatının Xarici Əlaqələr Komitəsində keçirilən dinləmələrdə dövlət katibinin Yaxın Şərq məsələləri üzrə köməkçisi Barbara Leaf deyib.
“Son dörd-beş ay ərzində biz ərəb tərəfdaşlarımızla, fələstinlilərlə, İsrail hakimiyyət orqanları ilə bundan sonra nə olacaq, bu münaqişədən sonra nə olacaq sualını fəal şəkildə müzakirə edirik” deyib.
Rəsmi qeyd edib ki, İsrail hakimiyyəti bu planlaşdırmaya kifayət qədər diqqət yetirmir, lakin onun sözlərinə görə, bu, müvafiq məsləhətləşmələrin aparılmasına mane olmur. “Demək istəyirəm ki, bu, bizim tərəfimizdən iş görməyə, geniş məsləhətləşmələr aparmağa və dövlət katibi Antoni Blinkenin keçən həftə dediyi kimi, yaxın gələcəkdə tərəfdaşlarımıza təqdim edəcəyimiz konsepsiyalar hazırlamağa mane olmur” o vurğulayıb”.
Leaf əlavə etdi ki, o, bu müzakirələri davam etdirmək üçün gələn həftə sonu Yaxın Şərqə başqa bir səfərə gedəcək. (Tass)
