ABŞ hakimiyyəti Fələstin-İsrail münaqişəsinin kəskinləşməsi fonunda ABŞ Hərbi Hava Qüvvələrinin bir sıra eskadrilyalarının Yaxın Şərqdə qalma müddətini uzadıb və ehtiyatları köçürməyə hazırdır. Bu barədə ABŞ-ın müdafiə naziri Lloyd Ostin tərəfindən Ukraynaya silah tədarükü ilə bağlı Qərbin yaratdığı təmas qrupunun növbəti iclasının yekunları üzrə Brüsseldə keçirilən mətbuat konfransında bildirilib.
“Birləşmiş Ştatlar İsraili və İsrail xalqını qətiyyətlə dəstəkləməkdə davam edir. USS Cerald Ford-un başçılıq etdiyi ABŞ Hərbi Dəniz Qüvvələrinin zərbə qrupu artıq Aralıq dənizinin şərqinə gəlib. Biz həmçinin ABŞ Hərbi Hava Qüvvələrinə məxsus qırıcı eskadrilyaların bölgədəki mövcudluğunu genişləndirmişik. Müdafiə Nazirliyi lazım gələrsə, əlavə qüvvə və vasitələri yerləşdirməyə tam hazırdır”, – deyə Pentaqon rəhbəri qeyd edib. (Tass)