Prezident Rəcəb Tayyib Ərdoğan İqtisadi Əməkdaşlıq Təşkilatının 16-cı Liderlər Zirvə Toplantısında iştirak etmək üçün dünən Özbəkistanın paytaxtı Daşkəndə gedib. Bu səhər sammit çərçivəsində çıxış edən Ərdoğan, “Hal-hazırda Qəzzada 11 min uşaq və qadın öldürülüb. Dünya susur. Əvvəla Amerika, Qərb, hamısı susur. Uşaqlar və qadınlar hər gün öldürülür. Biz bunları hər gün televiziyada izləyirik.Burada,xüsusən də İqtisadi Əməkdaşlıq Təşkilatı olaraq biz həmişə susuruq.” “Biz müsəlmanlar olaraq bu gün səsimizi çıxarmasaq, nə vaxt səsimizi qaldıracağıq? deyib.
Görüşdə İsrailin Qəzzaya hücumları nəticəsində yaranan humanitar böhran və həll yolu üçün atılacaq addımlar, Türkiyə-İran ikitərəfli əlaqələri və regional məsələlər müzakirə edilib. Prezident Ərdoğan görüş zamanı İsrailin hücumlarına son qoyulmasının bölgənin və dünyanın sülhünə xidmət edəcəyini, İslam Əməkdaşlıq Təşkilatının keçiriləcək fövqəladə zirvə toplantısında ədalətli həllə nail olmaq üçün səy göstərməsi lazım olduğunu bildirib.
Türkiyənin qarant rolunu öz üzərinə götürərək problemi həll etməyə hazır olduğunu vurğulayan prezident Ərdoğan İslam dünyasının ortaq mövqe sərgiləməli və İsrailə təzyiqləri artırmalı olduğunu bildirib. (Haberler.com)