Birləşmiş Ştatlar yeni müdafiə sənayesi fondu vasitəsilə Ukraynaya əlavə 2 milyard dollarlıq hərbi maliyyə vəsaiti ayırmaq niyyətindədir. Bunu ABŞ dövlət katibi Entoni Blinken Kiyevdə Ukraynanın xarici işlər naziri Dmitri Kuleba ilə birgə mətbuat konfransında deyib.
“Əlavə etmək istərdim ki, biz Ukraynaya yeni müdafiə sənayesi fondu vasitəsilə əlavə 2 milyard dollar verəcəyik”.
Onun sözlərinə görə, ABŞ-ın Ukraynaya yeni yardım fondu həm Kiyevin başqa ölkələrdən silah almasını, həm də Ukraynanın özünün hərbi sənaye kompleksinin inkişafını təmin edəcək. (Tass)