ABŞ və onun regional tərəfdaşları Yaxın Şərqdə münaqişənin genişlənməsinə imkan vermək istəmir. Bu barədə ABŞ dövlət katibi Entoni Blinken MSNBC telekanalına müsahibəsində bəyan edib.
“Müharibənin genişlənməsinə imkan verməməkdə, yeni cəbhələrin açılmasını, eskalasiyanı görməməkdə qərarlıyıq. Və bu səfər zamanı getdiyim hər ölkədən eşitdiklərim bu idi. Türkiyədə idik, Yunanıstanda, İordaniyada idik. Qətər, BƏƏ, Səudiyyə Ərəbistanı, İsrailə gəlməzdən əvvəl İsrail də daxil olmaqla hər kəsin ortaq marağı var – gərginliyin qarşısını almaq”.
Blinken qeyd edib ki, Vaşinqton “bu münaqişənin mümkün qədər tez bitməsini” istəyir. “Biz [anklavın] şimalındakı əməliyyatın tədricən dayandırıldığını görürük. Bu vacibdir. Biz Qəzzada olan xeyli sayda İsrail qüvvələrinin, xüsusən də yenidən şimaldan geri çəkildiyinin şahidi olduq”, – diplomat əlavə edib.
ABŞ dövlət katibi yanvarın 4-dən 11-dək Yaxın Şərq və qonşu ölkələrə turnedədir. O, artıq Yunanıstan, İsrail, İordaniya, BƏƏ, Səudiyyə Ərəbistanı və Türkiyəyə səfər edib. (Tass)