Cümə axşamı İsrailə gələn ABŞ dövlət katibi Entoni Blinken daha sonra İordaniya, Səudiyyə Ərəbistanı, Birləşmiş Ərəb Əmirlikləri (BƏƏ), Misir və Qətərə səfər etmək niyyətindədir. Blinken bu barədə Tel-Əvivdə mətbuat konfransında bildirib.
“Buradan mən İordaniyaya gedəcəyəm, orada Kral II Abdullah və Fələstin prezidenti [Mahmud] Abbasla görüşəcəyəm, daha sonra yaxın günlərdə Səudiyyə Ərəbistanı, BƏƏ, Misir və Qətər liderlərinə baş çəkəcəyik. Bu görüşlərdən sonra biz ölkələrə münaqişənin yayılmasının qarşısını almaq və girovları dərhal və qeyd-şərtsiz azad etmək üçün HƏMAS üzərində təsir rıçaqlarından istifadə etmək üçün təzyiq göstərməyə davam edəcəyik”, Blinken yaraqlıların İsrailə hücumuna toxunaraq deyib. O əlavə edib ki, regional liderlərlə təhlükəsizlik və inteqrasiya məsələlərini müzakirə edəcək. (Tass)
