ABŞ dövlət katibi Antoni Blinken və Misir prezidenti Əbdülfəttah əs-Sisi Qahirədə keçirilən görüşdə Qəzza zolağında yeni atəşkəs razılaşmalarını, həmçinin münaqişədən sonra Fələstin anklavında tənzimləmələri müzakirə ediblər. Bu barədə ABŞ Dövlət Departamentinin mətbuat xidmətinin rəhbəri Metyu Millerin yazılı bəyanatında deyilir.
Onun sözlərinə görə, Blinken və əs-Sisi “bütün girovların azad edilməsini təmin edəcək Qəzza zolağında dərhal atəşkəs təklifi”ni müzakirə ediblər. Blinken “təklifin Qəzzada fələstinlilərin əzablarını yüngülləşdirəcəyini və gələn humanitar yardımın həcmini artıracağını” vurğulayıb. Amerika Xarici Siyasət Departamentinin rəhbəri görüşdə bildirib ki, radikal HƏMAS hərəkatı bu təklifi “gecikmədən” qəbul etməlidir. (Tass)