Birləşmiş Ştatlar Yaxın Şərqdəki bazasına hücuma cavab vermək üçün müxtəlif variantları, o cümlədən İrana qarşı gizli əməliyyat keçirmək imkanlarını nəzərdən keçirir. Bu barədə bazar günü Bloomberg mənbələrə istinadən məlumat yayıb.
Onun sözlərinə görə, üç amerikalı əsgərin həyatına son qoyan hücum Vaşinqtondan “daha qətiyyətli reaksiyaya səbəb olacaq” və bu, Qəzza zolağında qarşıdurma başlayandan bəri miqyasına görə üstün olacaq.
Agentlik mümkün hərəkətlər arasında “ABŞ-ın İrana zərbə endirəcəyi gizli əməliyyatın” adını çəkir. Eyni zamanda, Vaşinqton bu kampaniyada iştirakını elan etməyəcək. Bloomberg qeyd edib ki, ABŞ həm də “birbaşa İran rəsmilərinə hücum edə bilər”. Vaşinqtonun nə etməsindən asılı olmayaraq, ABŞ prezidenti Co Bayden səlahiyyət müddətinin “ən mühüm qərarlarından birini” qəbul etməli olacaq. Agentlik hesab edir ki, bu, Vaşinqtonla Tehran arasında birbaşa qarşıdurmaya səbəb ola bilər. (Tass)