Birləşmiş Ştatlar Vaşinqtonun Tehrana qarşı yeni iqtisadi sanksiyalar tətbiq etməsi müqabilində İsrailə İrana qarşı cavab zərbəsinin miqyasını məhdudlaşdırmağı təklif edib. Bu barədə çərşənbə günü Bloomberg mənbələrə istinadən məlumat yayıb.
Onların sözlərinə görə, Amerika rəsmiləri “İsrailin İranın enerji infrastrukturuna hücumlarının enerji bazarlarını sarsıda biləcəyindən” qorxurlar. Bloomberg qeyd edir ki, Vaşinqton İsraili cavab hücumları üçün hədəf seçərkən özünü hərbi hədəflərlə məhdudlaşdırmağa inandırmağa çalışır və öz növbəsində ABŞ Tehrana qarşı iqtisadi sanksiyaları sərtləşdirməyə hazırdır.
Bundan əvvəl Yəhudi Dövlətinin müdafiə naziri Yoav Qalant bildirmişdi ki, İsrail onun raket hücumuna cavab olaraq İrana zərbə endirmək planlarından əl çəkmir və bu, o qədər “ölümcül və gözlənilməz” olacaq ki, iranlıların nəyisə başa düşmək üçün vaxtları olmayacaq. (Tass)