Avropanın müdafiəsinin gücləndirilməsinə həsr olunacaq sammitdə Macarıstanın etirazlarından yan keçmək üçün artıq addımlar atır. Bu barədə Bloomberg rəsmilərə istinadən məlumat yayıb.
Macarıstanın baş naziri Viktor Orban xəbərdarlıq edib ki, o, bu görüşdə Ukraynada münaqişəni davam etdirəcək hər hansı qərarın qəbul edilməsinin qarşısını almaq niyyətindədir.
Bir səlahiyyətlinin sözlərinə görə, ən böyük problem Macarıstanın etirazlarını aradan qaldırmağın bir yolunu tapmaq olacaq. Avropa Şurasının sədri Antonio Kosta sammit zamanı Orbanla konsensus tapmağa çalışacaq, lakin bu uğursuz olarsa, blok səhərə qədər mübahisə etməkdənsə, onun etirazlarını necə aradan qaldıracağına diqqət yetirəcək, bir Aİ diplomatı bildirib.
Agentliyin yazdığı kimi, Aİ rəsmiləri artıq Macarıstanın baş nazirinin dəfələrlə əleyhinə çıxış etdiyi anti-Rusiya sanksiyalarının saxlanması yollarını müzakirə edirlər. O cümlədən, səsvermə zamanı səs çoxluğunu tələb edən tədbirlər nəzərdən keçirilir. Agentlik xatırladır ki, bununla belə, bu, asan olmayacaq, çünki mövcud Avropa qanunvericiliyi yekdilliklə qərar qəbul etmə prinsipinə əsaslanır.
