Çin hakimiyyəti bir sıra yerli şirkətlərə bildiriş göndərərək onları Amerikanın Nvidia şirkətinin H20 mikroçiplərindən istifadəni dayandırmağa çağırıb. Bu barədə mənbələrə istinadən Bloomberg məlumat yayıb.
Onların məlumatına görə, işi dövlət sifarişləri və ölkənin milli təhlükəsizliyinin təmin edilməsi ilə bağlı olan şirkətlərin mikrosxemlərdən istifadəsinə xüsusilə ciddi qadağa qoyulub.
Pekin qorxur ki, Amerika çipləri yerləri izləyə və uzaqdan söndürülə bilər. Bundan əlavə, Çin öz yarımkeçirici bazarını fəal şəkildə inkişaf etdirir və yerli istehsal məhsullarına keçməyi tövsiyə edir, Bloomberg qeyd edib. (Tass)