Bloomberg mənbələrə istinadən xəbər verir ki, Birləşmiş Ştatlar Kiyev hakimiyyətinə 50 milyard dollar məbləğində yardım göstərmək üçün Yeddilik Qrupunun (G7) digər ölkələri ilə danışıqlar aparır, bu məbləğin əhəmiyyətli hissəsinin dondurulmuş Rusiya aktivlərindən istifadə etməklə geri qaytarılması planlaşdırılır.
Onun sözlərinə görə, ABŞ iyunda İtaliyada keçiriləcək G7 sammitində yardımın göstərilməsinə dair sazişin imzalanmasını təmin etməyə çalışır. Agentliyin qeyd etdiyi kimi, bu mövzuda danışıqlar çətindir və sazişin bağlanması bir neçə ay çəkə bilər.
ABŞ-ın maliyyə naziri Canet Yellen bu mövzuda danışıqların aparıldığını təsdiqləyib. “Biz bunu müzakirə edirik. İdeal olaraq, ABŞ-ın bunu tək etməməsi üçün bütün G7 ölkələrinin iştirak etməsini istərdik” deyə Bloomberg-ə müsahibəsində bildirib.
Avropa İttifaqı, Kanada, ABŞ və Yaponiya xüsusi hərbi əməliyyata başlayandan sonra Rusiyanın təxminən 300 milyard dollarlıq aktivlərini dondurub. Bunun təxminən 5-6 milyard dolları ABŞ-ın payına düşür. (Tass)
