Norveç Rusiya ilə artan gərginlik fonunda hərbi potensialı qiymətləndirmək üçün Arktikaya hərbi kəşfiyyatçılarını göndərib. Bu barədə Bloomberg agentliyi məlumat yayıb.
Onun sözlərinə görə, 13 nəfərlik əsgər qrupu 100 gün ərzində həddindən artıq soyuq şəraitdə – əvvəlki hərbi ekspedisiya zamanı olduğundan iki dəfə çox sağ qalmalıdır. Belə testlər Arktika iqliminin avadanlıqların işinə, eləcə də insan orqanizminə və psixikasına necə təsir etdiyini göstərməlidir.
Agentlik qeyd edir ki, missiya başlamazdan əvvəl əsgərlərdən qan nümunələri götürülüb, onların ağciyər funksiyası və əzələ kütləsi qiymətləndirilib. Testlər müddətin yarısı başa çatdıqdan sonra aparılıb və sınaq müddətinin sonunda təkrarlanacaq. Nəticələrin təxminən 75%-i geniş ictimaiyyətə açıqlanacaq, qalanları isə yalnız Norveçin NATO müttəfiqlərinə açıqlanacaq. (Tass)