Müdafiə Nazirliyi Kiyevə Starlink peyk rabitə terminallarının tədarükü üçün İlon Maska məxsus SpaceX şirkətinə 23 milyon dollar ödəyib. Bu barədə Bloomberg amerikalı məmura istinadən məlumat yayıb.
Onun sözlərinə görə, əvvəllər bildirilməyən məbləğ üzrə müqavilə 2023-cü ilin iyunundan 2024-cü ilin mayına qədər qüvvədədir. Agentliyin həmsöhbəti onun uzadılmasının nəzərdə tutulub-tutulmadığını dəqiqləşdirməyib.
Bloomberg-in qeyd etdiyi kimi, 23 milyon dollar məbləği SpaceX-in ABŞ-ın milli təhlükəsizliyi ilə bağlı digər layihələrdə qazandığı məbləğlə müqayisədə “cüzidir”.
2023-cü ilin dekabrında Ukraynanın Rəqəmsal Transformasiya naziri Mixail Fedorov Ukraynada Starlink peyk rabitə sisteminin təxminən 47 min terminalının fəaliyyət göstərdiyini bildirdi. Ukrayna Müdafiə Nazirliyinin Baş Kəşfiyyat İdarəsinin rəisi Kirill Budanov ölkənin silahlı qüvvələrinin bütün cəbhə xətti boyunca Starlink sistemlərindən istifadə etdiyini bildirib. “Starlink”in təqdim etdiyi kommunikasiyalardan Ukrayna hərbçiləri dronları idarə etmək üçün istifadə edirlər.
(Tass)