Vaşinqtonda fəaliyyət göstərən ABŞ Milli Qvardiyasının hərbçiləri xidməti silahlar daşıyacaq. Bu barədə Bloomberg agentliyi ABŞ Müdafiə Nazirliyinə istinadən məlumat yayıb.
Onun sözlərinə görə, birgə əməliyyat qrupunun hərbçiləri “tezliklə öz tapşırığına və hazırlığına uyğun olan xidməti silahlarla missiyaya gedəcəklər”.
Bundan əvvəl ABŞ prezidenti Donald Tramp şəhərin abadlaşdırılması və Amerika paytaxtında cinayətkarlıqla mübarizə tədbirlərinin gücləndirilməsi üçün Konqresdən 2 milyard dollar istəyəcəyini bildirmişdi.
Avqustun 11-də Tramp cinayətkarlıqla mübarizə üçün Milli Qvardiya qoşunlarının Vaşinqtona göndərildiyini elan edib. Dövlət başçısı həmçinin şəhərin polis qüvvələrini federal nəzarətə verib və zəruri hallarda təhlükəsizliyi təmin etmək üçün silahlı qüvvələrin cəlb oluna biləcəyini təklif edib.