Yəmənin Ənsar Allah hərəkatının husi üsyançıları, İsrail və HƏMAS arasında müharibənin necə inkişaf etməsindən asılı olmayaraq, ABŞ və onun Qırmızı dəniz bölgəsindəki müttəfiqləri ilə uzunmüddətli qarşıdurmaya hazırlaşır. Bu barədə Bloomberg agentliyi mənbələrə istinadən məlumat yayıb.
Husilər Qırmızı dəniz bölgəsində “gəmilərə hücumları davam etdirmək” üçün hərbi və müdafiə imkanlarını gücləndirirlər. Onların gördükləri tədbirlər arasında daha təhlükəsiz və səmərəli raket buraxılışı üçün dağ sığınacaqlarının gücləndirilməsi, eləcə də su üstündə və altında pilotsuz gəmilərin sınaqdan keçirilməsi daxildir.
Bloomberg həmçinin bildirir ki, Yəmənlə həmsərhəd olan Səudiyyə Ərəbistanı husilərin Qırmızı dənizdə sualtı internet kabelləri şəbəkəsini təxribata cəhd edə biləcəyindən narahatdır. (Tass)