BMT baş katibinin humanitar məsələlər üzrə müavini Martin Qriffits oktyabrın 17-də Qəzza zolağına humanitar yardımın çatdırılmasını müzakirə etmək üçün Yaxın Şərqə səfər edəcək.
“Mən danışıqları asanlaşdırmaq, Qəzzada və İordan çayının qərb sahilində insanlara kömək etməyə sadiq qalan minlərlə yardım işçisinin fövqəladə cəsarətinin şahidi olmaq və həmrəyliyimi ifadə etmək üçün sabah şəxsən [Yaxın Şərq] bölgəsinə gedəcəyəm”, – deyə Qriffits qeyd edib. Baş katibin müavininin aparatının nümayəndəsi Reuters agentliyinə səfərin bir neçə gün davam edəcəyini bildirib. Qriffits regionun digər əsas əhali mərkəzlərinə getməzdən əvvəl çərşənbə axşamı Qahirəyə səfər edəcək. (Tass)