BMT Qəzza zolağında atəşkəsin yaradılmasına töhfə verəcək istənilən addımı təşviq etməyə hazırdır. Bunu brifinqdə dünya təşkilatının rəhbərinin rəsmi nümayəndəsinin müavini Fərhan Haq Amerika hakimiyyətinin anklavda atəşkəsə nail olmaq cəhdi ilə bağlı bəyanatını şərh edərkən deyib.
Çərşənbə axşamı ABŞ prezidenti Co Bayden bildirib ki, ABŞ və İsrail Misir, Qətər və Türkiyənin təmsil etdiyi vasitəçilərlə birlikdə yaxın günlərdə Qəzza zolağında atəşkəsə nail olmağa cəhd etməyi planlaşdırır. “Biz Qəzzada atəşkəsə nail olmaq üçün hər cür səyi təşviq edirik” deyib Haq. “Biz uzun müddətdir ki, atəşkəs, bütün girovların azad edilməsi və humanitar yardımın genişləndirilməsi zərurəti haqqında danışırıq”.
BMT baş katibinin nümayəndəsinin müavini əlavə edib ki, dünya təşkilatı “bu məsələ ilə bağlı mümkün qədər çox məlumat əldə etmək üçün tərəfdaşlarla daim əlaqə saxlayır”. (Tass)