BMT Fələstin radikal HƏMAS hərəkatının qərargahının Əl-Şifa xəstəxanasında yerləşməsi ilə bağlı məlumatı təsdiq və ya təkzib edə bilməz. Bu barədə jurnalistlər üçün keçirdiyi brifinqdə BMT-nin Humanitar Məsələlərin Əlaqələndirilməsi İdarəsinin (OCHA) Fələstin əraziləri üzrə rəhbəri Andrea De Domeniko bildirib.
“Sosial şəbəkələrdə xəstəxanada olan komanda məntəqəsi ilə bağlı belə məlumatlar görmüşük, lakin bu məlumatı müstəqil şəkildə yoxlaya bilmirik bu məlumatı yoxlamaq çox çətindir.Buna baxmayaraq, israillilərə dəfələrlə deyilib ki, xəstəxanada “5 minə yaxın xəstə var. İlkin olaraq xəstəxana 650 çarpayı üçün nəzərdə tutulmuşdu, hətta münaqişədən əvvəl onların sayı 750-yə çatdırılsa da, müəyyən vaxtlarda xəstələrin sayı 5 min nəfər olub. Üstəlik, hələ də təhlükəsiz yer axtaran 60 min köçkün var”, – o qeyd edib. De Domeniko həmçinin vurğulayıb ki, indi “bu xəstələri Qəzza zolağında təhlükəsiz yerə köçürmək üçün heç bir seçim yoxdur”.