Litva 2024-cü il üçün artıq ayrılmış 130 milyon avro büdcə yardımına əlavə olaraq ukraynalı qaçqınların ehtiyacları üçün daha 14,25 milyon avro toplamalıdır. Bu barədə jurnalistlərə respublikanın sosial müdafiə və əmək nazirinin müavini Justina Jakştiene bildirib.
“BMT-nin Qaçqınlar üzrə Agentliyi, Ukrayna qaçqınları ilə bağlı vəziyyətə reaksiya vermək üçün regional planın bir hissəsi olaraq, bizim üçün 14,25 milyon avro məbləğində əlavə büdcədənkənar vəsait toplamaq üçün standart müəyyən edib” deyə o bildirib.
Nazir müavini aydınlaşdırıb ki, bu əlavə məbləğin təqribən 5 milyon avrosu gündəlik ehtiyacların ödənilməsinə və əmək bazarına inteqrasiyaya, təxminən 4 milyon avrosu isə qaçqınların ən həssas kateqoriyalarının müdafiəsinə yönəldiləcək. Litvada onların ümumi sayı 65 min nəfərdir.Onların 48 faizini qadınlar, 32 faizini uşaqlar təşkil edir.
BMT-nin müxtəlif agentlikləri, Beynəlxalq Qızıl Xaç Komitəsi və onun Litva bölməsi, beynəlxalq və milli qeyri-hökumət təşkilatları Vilnüs üçün əlavə vəsait almaq üçün potensial tərəfdaşlar kimi göstərilib. (Tass)