BMT ekspertləri Livanda rabitə vasitələrinin partladılmasını pisləyərək, hücumda iştirak edənlərin məsuliyyətə cəlb edilməsinin vacibliyinə işarə ediblər. Bu barədə dünya təşkilatının xüsusi məruzəçilərinin İnsan Hüquqları üzrə Ali Komissarlığının saytında yerləşdirilən bəyanatında deyilir.
Mətndə qeyd olunur ki, “bu cür hücum halında, həqiqəti müəyyən etmək və qətli törədənləri məsuliyyətə cəlb etmək üçün dərhal və müstəqil araşdırma aparılmalıdır”.
BMT ekspertlərinin fikrincə, bu cür hücumlar beynəlxalq humanitar hüququn pozulması hesab edilir və müharibə cinayəti kimi qiymətləndirilə bilər. Onların nöqteyi-nəzərindən, partlayış anında rabitə qurğusunun kimin əlində olacağını yoxlamaq, qurbanların “kimsə üçün birbaşa ölüm təhlükəsi” olub-olmadığını dəqiq müəyyən etmək mümkün deyil. (Tass)