BMT-nin baş katibi Antonio Quterreş İran və Pakistanı vəziyyətin daha da gərginləşməsinin qarşısını almaq üçün təmkinli olmağa çağırıb. Bu barədə dünya təşkilatının baş katibinin rəsmi nümayəndəsi Stefan Düjarrikin bəyanatında deyilir.
“Baş katib İran və Pakistan arasında son hücumlar mübadiləsindən son dərəcə narahatdır. O, hər iki ölkəni daha da gərginləşməmək üçün maksimum təmkin nümayiş etdirməyə çağırır”, – bəyanatda deyilir.
Quterreş əmindir ki, İran və Pakistan arasında “bütün təhlükəsizlik problemləri” “dinc yolla, dialoq və əməkdaşlıq yolu ilə” həll edilməlidir. (Tass)