Dağlıq Qarabağa səfər etmiş BMT missiyası hesab edir ki, indiki vəziyyətdə etimadı gücləndirmək lazımdır və bu, bütün tərəflərin səylərini tələb edəcək. Bu barədə BMT-nin Humanitar Məsələlərin Əlaqələndirilməsi Ofisinin (OCHA) Cenevrədə yaydığı press-relizdə deyilir.
Bu departament xatırladıb ki, BMT-nin Azərbaycandakı rezident əlaqələndiricisi Vladanka Andreevanın rəhbərliyi ilə missiyanın səfərinin məqsədi həm Dağlıq Qarabağda qalan sakinlərin, həm də qaçanların “yerdə vəziyyəti qiymətləndirmək və humanitar ehtiyaclarını müəyyən etmək” olub. Xankəndidə (Stepanakert) BMT nümayəndələri əhali ilə görüşüb, səhiyyə və təhsil sahəsində vəziyyətlə tanış olub.
BMT rəsmiləri “inam və etimadın yaradılmasının vacibliyini vurğulayaraq bunun hər tərəfdən vaxt və səy tələb edəcəyini qeyd edirlər”, – deyə məlumatda bildirilir.
BMT-nin Azərbaycandakı əməkdaşları mütəmadi olaraq regiona səfərlərini davam etdirməyi planlaşdırırlar. Təşkilat “yeni gələn [qaçqınların] Ermənistandakı qəbul mərkəzlərindəki ehtiyaclarına cavab verir”. (Tass)