Qəzza zolağının 2,2 milyon sakininin ən azı 25%-i fəlakət şəraitindədir, kəskin qida çatışmazlığı təsnifatında ən yüksək – beşinci kateqoriyadır. Bu barədə BMT-nin Ərzaq və Kənd Təsərrüfatı Təşkilatının (FAO) bəyanatında deyilir.
“Qəzza zolağında misli görünməmiş kəskin qida çatışmazlığı, aclıq və yaxın qıtlıq şəraiti yaşanır. Kəskin ərzaq təhlükəsizliyi təsnifatına (IPC) görə Qəzza zolağında yaşayan 2,2 milyon insanın hamısı 3, 4 və 5-ci qruplar kimi təsnif edilir – “Müvafiq olaraq fövqəladə haldan və böhrandan fəlakətə qədər. Bu mərhələdə bu 2,2 milyonun təxminən 25%-i beşinci ən yüksək səviyyəli IPC kateqoriyasındadır, yəni fəlakətə uyğundur”, – məlumatda deyilir. Təşkilat qeyd edir ki, bu təsnifat üzrə təhlillərin aparıldığı heç bir ölkədə belə hal qeydə alınmayıb.
Vəziyyəti daha da pisləşdirmək üçün yardımın çatdırılmasında çətinliklərdən əlavə, yerli kənd təsərrüfatına böyük ziyan dəyib və ya məhv edilib. “Münaqişədən əvvəl Qəzza əhalisinin özünü təmin edən meyvə-tərəvəz istehsalı sektoru, təchiz olunmuş istixanaları, eləcə də torpaqlarında güclü kiçik heyvandarlıq sektoru var idi.İndi isə mal-qaranın böyük hissəsi, eləcə də bitkilərinin istehsalı üçün zəruri olan infrasukturuktur praktiki olaraq məhv edilib”, – FAO qeyd edir.
Öz növbəsində, BMT-nin Ümumdünya Ərzaq Proqramı Fələstin Mərkəzi Statistika Bürosunun məlumatlarına istinad edərək, son hesabatında istehlak qiymətləri indeksinin əhəmiyyətli dərəcədə artdığını qeyd edir – münaqişə başlayandan bəri 32,5%. O cümlədən, ərzaq və alkoqolsuz içkilərin istehlak qiymətləri indeksi 21,4% artıb. Bundan əlavə, yemək qazının qiymətləri kəskin artaraq 431,5% artıb. (Tass)