Anklavın yanacaq tədarükü dərhal bərpa olunmasa, Qəzza zolağında humanitar əməliyyatlar, bank və rabitə xidmətləri bir neçə gün ərzində dayandırıla bilər. Bunu Cenevrədə keçirdiyi brifinqdə BMT-nin Humanitar Məsələlərin Əlaqələndirilməsi İdarəsinin (OCHA) Qəzza ofisinin rəhbəri Georgios Petropulos bildirib.
“Qəzzada mövcud vəziyyət görünməmiş fövqəladə vəziyyət həddinə çatıb. İsrailin Rəfahdakı hərbi əməliyyatlarla bağlı təxliyə əmrləri artıq ən azı 110 min insanın didərgin düşməsinə səbəb olub. Qəzza-Misir sərhədindəki Rəfah keçidinin bağlanması ilə əlaqədar humanitar əməliyyatlar üçün lazım olan yanacaq ehtiyatlarının doldurulmasına artıq çıxış yoxdur. “Yanacaq tədarükü dərhal bərpa olunmazsa, bir neçə gün ərzində humanitar, rabitə və bank fəaliyyətləri dayandırılacaq” deyib Petropoulos. “Eyni zamanda yanacaq çatışmazlığı bütün həyati sektorlara təsir göstərəcək.”
Telekommunikasiya provayderləri hesab edirlər ki, qalan yanacaq bir gün işləməyə kifayət edəcək və bundan sonra “şəbəkə kəsiləcək”. Yaxın 24 saat ərzində Qəzza rəsmiləri tərəfindən idarə olunan 5 xəstəxana, UNRWA-nın (BMT-nin Yaxın Şərqdə Fələstinli Qaçqınlara Yardım və İşlər üzrə Agentliyi) və digər tərəfdaşların 17 ilkin səhiyyə mərkəzi, 5 səhra xəstəxanası və 10 səyyar klinikasının tükənəcək və 28 təcili yardım maşınının yanacağının tükənəcəyini qeyd edib. (Tass)