İsrailin Qəzzada işğalı və qeyri-insani hücumları davam edərkən, Misir üzərindən mühasirəyə alınan şəhərə humanitar yardımların çatdırılması davam edir. Məhdud sayda yük maşınının girdiyi şəhərdə ərzaq və təmiz suya çıxışda çətinliklər var. Bütün bunlar olarkən Birləşmiş Millətlər Təşkilatı (BMT) Qəzzaya göndərdiyi məhsullarla yeni qalmaqal yaradıb. BMT Qəzzada müharibədən əziyyət çəkən uşaqlara ərzaq yardımı əvəzinə qida şəklində oyuncaqlar göndərib.
Bir fələstinli istehza məqsədilə göndərilən sözdə yardımdan danışaraq, “Birləşmiş Millətlər Təşkilatı uşaqlarımıza yemək vermək əvəzinə onlara yeməyə bənzəyən oyuncaqlar verir” deyib. O, vəziyyətə öz sözləri ilə reaksiya verib. Yemək kimi oyuncaqların görüntüləri sosial mediada böyük reaksiyalara səbəb olub.