BMT-nin Livandakı Müvəqqəti Qüvvələrinin (UNIFIL) Komandanlığı Livan-İsrail sərhədində silahlı qarşıdurmanın davam etməsindən son dərəcə narahatdır. Bu barədə UNIFIL-in mətbuat xidmətinin rəhbərinin müavini Candace Ardell Al Hadath telekanalına bildirib.
“BMT sülhməramlıları hərbi əməliyyatların yayılmasının qarşısını almağa çalışır və bütün tərəflərlə təcili əlaqə qurublar”. “Biz onları atəşi dayandırmağa və siyasi və diplomatik həll yolunda işləməyə çağırırıq”-deyib.
Ardellin sözlərinə görə, sərhədyanı ərazilərdə vəziyyətin nəzarətdən çıxması üçün təhlükəli tendensiya var. “Buna görə də biz hesab edirik ki, tərəflərin 2006-cı ildə Livanın cənubunda münaqişəni dayandıran BMT Təhlükəsizlik Şurasının 1701 saylı qətnaməsinin müddəalarının icrasına qayıtması hazırkı qarşıdurmaya son qoymaq və uzunmüddətli nizamlanma istiqamətində işləmək üçün ən effektiv əsas olaraq qalır. (Tass)