BMT Təhlükəsizlik Şurası dekabrın 19-da Fələstin-İsrail münaqişəsi ilə bağlı yeni ərəb qətnamə layihəsinə səs vermək niyyətindədir, dekabrda quruma sədrlik edən Ekvadorun BMT-dəki daimi nümayəndəliyindən jurnalistlərə bildiriblər.
Yaxın Şərqlə bağlı yeni qətnaməyə səs vermək üçün bazar ertəsi Təhlükəsizlik Şurasının iclasının keçiriləcəyi gözlənilirdi, lakin bu, qurumun dekabrın 18-i üçün iş qrafikindən çıxarılıb. “BƏƏ-nin tələbi ilə [BMT TŞ] Sədrliyi hazırda [Yaxın Şərq üzrə] görüşü sabah səhərə təyin etmək üzərində işləyir”, – Daimi Nümayəndəlik bildirib.
BƏƏ, Misir və Fələstinin sponsorluğu ilə hazırlanan sənəd 16 bənddən ibarətdir və Qəzza zolağına humanitar yardım axınının artırılmasına yardım etmək məqsədi daşıyır. Qətnamə layihəsində, xüsusilə, keçid məntəqələri vasitəsilə Qəzza zolağına humanitar yardım axınının asanlaşdırılması, anklavın “mövcud ehtiyaclarını ödəmək üçün kifayət qədər” yanacaq tədarükü, BMT obyektlərinin və personalının mühafizəsi tələb olunur. Bundan əlavə, sənəd bütün tərəfləri Qəzza zolağında humanitar obyektləri qorumaq üçün münaqişənin aradan qaldırılması mexanizmlərindən istifadə etməyə çağırır. Qətnamə layihəsində həmçinin “hümanitar hüququn hər hansı pozuntusu, o cümlədən mülki şəxslərə və obyektlərə ayrı-seçkilikdən kənar hücumlar, mülki şəxslərə qarşı zorakılıq, habelə terror aktları qətiyyətlə pislənir. (Tass)