Ukraynada münaqişə 2022-ci ilin fevralında başlamayıb, ölkənin şərqində 2014-cü ildən davam edir. Bunu BMT baş katibinin köməkçisi Miroslav Yença deyib.
“Ukraynada silahlı münaqişə 2022-ci il fevralın 24-də başlamadı, ölkənin şərqində 2014-cü ildən davam edir”, – deyə o, dünya təşkilatının Təhlükəsizlik Şurasının Ukraynaya həsr olunmuş iclasında bildirib.
Yencsa əlavə edib ki, BMT Nizamnaməsinə, beynəlxalq hüquqa və Baş Assambleyanın qətnamələrinə uyğun olaraq Ukraynada “ədalətli və davamlı” sülhün tərəfdarıdır. (Tass)