Rusiya avtomobillərinin Bolqarıstana girişinə qadağa oktyabrın 2-nin sonundan qüvvəyə minəcək. Bu barədə Bolqarıstan Milli Televiziyasının efirində Sərhəd Polisinin direktoru, baş komissar Anton Zlatanov məlumat verib.
“Cümə axşamı günündən dünənə kimi çox fəal işlədik. Əminəm ki, günün sonuna qədər bütün ölkə ərazisində avtomobillərin Bolqarıstana girişinə qadağa tətbiq edilməyə başlanacaq və qeyd etmək istərdim ki, yük maşınları üçün də bu, artıq olub”, – deyə o qeyd edib.
“24 saat” qəzeti yazıb ki , Zlatanov Rusiya qeydiyyatında olan avtomobillərin hər ay ölkəyə nə qədər daxil olduğunu dəqiqləşdirə bilməyib, lakin onların çox olmadığını qeyd edib.
Rusiya avtomobillərinin ölkəyə girişinə qadağa artıq Litva, Latviya, Estoniya, Polşa və Finlandiyada qüvvədədir və oktyabrın 3-dən Norveçdə tətbiq olunacaq. (Tass)
