Bolqarıstan öz ərazisində “Vostok” çoxmillətli diviziyasının qərargahının və Qara dənizdəki vəziyyətə nəzarət edəcək çoxmillətli qərargah elementinin yaradılması təşəbbüsü ilə çıxış edib. Bunu Bolqarıstan Ordusunun Müdafiə Qərargahının rəisi, admiral Emil Eftimov NATO Parlament Assambleyasının Sofiyada keçirilən yaz sessiyasında çıxışı zamanı deyib.
“Bolqarıstan Qara dəniz regionunun təhlükəsizliyində həlledici rol oynayan NATO-nun şərq cinahının etibarlı müttəfiqidir, Avropanın və qlobal təhlükəsizliyin təmin edilməsi üçün” deyə Eftimov vurğulayıb: “Bolqarıstan bizim ərazimizdə “Vostok” çoxmillətli qərargahının və Qara dəniz üçün çoxmillətli qərargah elementinin yaradılmasını təklif etdi”.
NATO Parlament Assambleyasının yaz sessiyasında NATO ölkələrindən və təşkilatın 25 tərəfdaş ölkəsindən 400-ə yaxın parlamentari iştirak edir. Forumun proqramına Ukraynaya dəstək və iyulda Vaşinqtonda keçiriləcək NATO Sammitinin prioritetləri vurğulanmaqla müdafiə və təhlükəsizlik məsələləri daxildir. NATO-nun baş katibi Yens Stoltenberqin mayın 27-də assambleyanın plenar iclasında iştirakı gözlənilir. (Tass)