Bolqarıstan prezidenti, keçmiş hərbi pilot Rumen Radev ikinci pilot kimi F-16 qırıcısında nümayiş uçuşu həyata keçirib. Aerobatika elementlərinin nümayiş olunduğu 40 dəqiqəlik uçuş ABŞ Hərbi Hava Qüvvələri komandanlığının dəvəti ilə Bolqarıstanın Qraf-İqnatyevo aviabazasında baş tutub.
“Mən ABŞ Hərbi Hava Qüvvələrinə dəvətə və F-16-nı yenidən uçmaq imkanına görə təşəkkür etmək istərdim. Bir F-16 eskadrilyasının Bolqarıstanda yerləşdirilməsi təklifi ilə, nəhayət, 2005-ci ilin sentyabrında eskadron buraya endi və ABŞ Hərbi Hava Qüvvələri ilə Bolqarıstan arasında çox səmərəli əməkdaşlıq başladı.Manevrlər, əla idi və əsaslı təmir dövründə olan aviabazaya havadan baxış keçirildi”, – deyə prezident uçuş sonrası brifinqdə bildirib.
Radev qeyd edib ki, Bolqarıstan-Amerika birgə təlimi bolqar pilotların hazırlanması prosesinin köhnəldiyini, bundan sonra Hərbi Hava Qüvvələrinin çətin transformasiyası prosesinin başlandığını açıq şəkildə göstərdi. Əminəm ki, yeni F-16 blok 70 təyyarələrini aldıqdan sonra biz əməkdaşlığımızı davam etdirəcəyik və yeni texnologiyaya yenicə yiyələnməyə başlayan pilotlarımızın bacarığı sürətlə artacaq”, – deyə dövlət başçısı əlavə edib. (Tass)