Rusiya prezidentinin Yaxın Şərq və Afrika ölkələri üzrə xüsusi nümayəndəsi, Rusiya Federasiyası xarici işlər nazirinin müavini Mixail Boqdanov İran XİN rəhbərliyi ilə Suriya böhranının həlli, eləcə də Livandakı hərbi-siyasi vəziyyəti müzakirə edib. Bu barədə Rusiya diplomatik departamentinin görüşün yekunlarına dair məlumatda deyilir.
Rusiya Xarici İşlər Nazirliyi əlavə edib ki, Boqdanov Tehranda İslam Respublikasının xarici işlər naziri Abbas Əraqçi tərəfindən qəbul edilib və onun xüsusi siyasi məsələlər üzrə baş köməkçisi Əli Əsgər Hacı ilə məsləhətləşmələr aparıb.
“Yaxın Şərq məsələləri üzrə məxfi fikir mübadiləsi zamanı əsas diqqət Suriyadakı böhranın hərtərəfli həlli, o cümlədən Astana formatında səylərin əlaqələndirilməsi, Livanda, Fələstin ərazilərində hərbi-siyasi vəziyyətə yönəldilib və Yəmən məsələsi də ətraflı müzakirə olunub”, – Rusiya Xarici İşlər Nazirliyi qeyd edib.
Nazirlik Rusiya tərəfinin bölgədəki münaqişələrin tezliklə həllinin, atəşkəsin və zərər çəkmiş mülki əhaliyə humanitar yardımın göstərilməsinin vacibliyini vurğuladığını vurğulayıb. (Tass)