Rusiya prezidentinin Yaxın Şərq və Afrika üzrə xüsusi nümayəndəsi, xarici işlər nazirinin müavini Mixail Boqdanov və İordaniyanın Moskvadakı səfiri Xalid Şavabke Qəzza zolağında və onun ətrafında vəziyyətin inkişafını müzakirə edərək, atəşkəs üçün beynəlxalq səylərin birləşdirilməsinin vacibliyini vurğulayıblar.
“Yaxın Şərqin hazırkı gündəliyi üzrə məxfi fikir mübadiləsi zamanı əsas diqqət Qəzza zolağında və onun ətrafında vəziyyətin inkişafına yönəldilib.Eyni zamanda, beynəlxalq səylərin tez bir zamanda Fələstin xalqına humanitar yardımın çatdırılması naminə maraqların birləşdirilməsinin zəruriliyi vurğulanıb”, – XİN-in bəyanatında deyilir.
Rusiya Xarici İşlər Nazirliyi qeyd edib ki, söhbət zamanı Rusiya-İordaniya ənənəvi dostluq münasibətlərinin daha da möhkəmləndirilməsi, o cümlədən qarşılıqlı maraq doğuran beynəlxalq məsələlər üzrə fəal siyasi dialoqun davam etdirilməsi məsələlərinə də toxunulub.
Görüş iordaniyalı diplomatın xahişi ilə baş tutub. (Tass)