Fələstinin müstəqilliyinin tanınması radikal Həmas hərəkatı üçün hədiyyə deyil. Bu fikri Aİ-nin xarici işlər və təhlükəsizlik siyasəti üzrə ali nümayəndəsi Xosep Borrel bildirib.
“Fələstin dövlətinin tanınması HƏMAS üçün hədiyyə deyil, əksinədir. Fələstin [Milli] Administrasiyası HƏMAS deyil. Əksinə, onlar uzun müddətdir ki, bir-birinə qarşı çıxırlar”, – Reuters onun sözlərini sitat gətirib.
Borrell hesab edir ki, “hər dəfə kimsə Fələstin dövlətini dəstəkləməyə qərar verəndə” İsrail bunu “antisemit hücumuna çevirməyə” çalışır. O qeyd edib ki, Aİ Fələstin Milli Administrasiyasını maliyyələşdirir, Avropa rəsmiləri onun nümayəndələri ilə görüşür və danışıqlar aparır.
Qeyd edək ki, bundan əvvəl İrlandiya, İspaniya və Norveç Fələstinin müstəqilliyini tanımaq qərarını elan ediblər. Buna cavab olaraq İsrail bu ölkələrdən səfirlərini geri çağırıb, yəhudi dövlətindəki diplomatik nümayəndəliklərin rəhbərləri isə Xarici İşlər Nazirliyinə çağırılıb.
(Tass)