Avropa İttifaqının xarici işlər və təhlükəsizlik siyasəti üzrə ali nümayəndəsi Xosep Borrelin Ukraynaya səfəri iki günlük olacaq, Kiyevdə o, xüsusilə prezident Vladimir Zelenski və baş nazir Denis Şmıqalla danışıqlar aparacaq. Bu barədə Aİ-nin xarici siyasət xidməti rəhbərinin mətbuat xidməti məlumat yayıb.
“Polşaya səfərindən sonra Ali Nümayəndə Borrell fevralın 6-7-də Kiyevə gəlib. O, prezident Vladimir Zelenski, baş nazir Denis Şmıqal, xarici işlər naziri Dmitri Kuleba, müdafiə naziri Rustem Umerovla görüşəcək və deputatlarla danışacaq. O, həmçinin Aİ-nin Ukraynadakı məşvərət missiyasının əməkdaşları ilə də görüşəcək”, – deyə mətbuat xidməti qeyd edib. (Tass)