Gürcüstan hakimiyyəti ən azı Avropa İttifaqına üzv olmaq üçün namizəd kimi qalmaq üçün ölkədə köklü dəyişikliklər etməlidir. Bunu dekabrın 1-də vəzifəsini tərk edən Aİ-nin xarici işlər və təhlükəsizlik siyasəti üzrə ali nümayəndəsi Xosep Borrell deyib.
Kiyevdə səfərdə olan Borrell Ukraynanın “Avropa həqiqəti” nəşrinə müsahibəsində “Gürcüstanın hətta Aİ-yə namizəd olaraq qalması üçün də köklü dəyişikliklərə ehtiyacı var” deyib və əlavə edib ki, Gürcüstan “Avropa yolunu tərk edir. ”
Bundan əvvəl Borrell Gürcüstana “Aİ yolunu bərpa etməyi” təklif etdi ki, bu da Brüsselin bütün şərtlərini tez bir zamanda yerinə yetirməyi – xarici agentlər və ailə dəyərləri haqqında qanunları ləğv etməyi və qanun pozuntularına yol verildiyi iddia edilən, otyabrın 26-da Gürcüstanda Avropayönlü müxalifətin məğlub olduğu parlament seçkiləri ilə bağlı araşdırma aparmağı tələb edib.
Oktyabrın sonunda Avropa Komissiyası (AK) Tbilisinin siyasi kursunun dəyişdirilməsini tələb edərək, Gürcüstanla Aİ-yə qəbulla bağlı danışıqların başlanmasına dair tövsiyə verməkdən imtina edib. AK-nın namizəd ölkələrin Aİ yolunda genişlənməsi və tərəqqisinə dair illik hesabatında Gürcüstanda keçirilən parlament seçkiləri ilə bağlı tənqidlər yer alıb. (Tass)
