Hazırda NATO-ya alternativ yoxdur, lakin Avropa İttifaqı öz təhlükəsizliyini təmin etməlidir. Bu fikri Aİ diplomatik xidmətinin səlahiyyət müddəti başa çatan rəhbəri Xosep Borrel deyib.
“Avropanın ərazi müdafiəsini təmin etmək üçün NATO-ya alternativ yoxdur” deyə o, X (keçmiş Twitter) yazıb. Eyni zamanda, Borrell Avropa birliyinin hərbi potensialının gücləndirilməsinin vacibliyinə işarə edib. Onun sözlərinə görə, bu, “öz problemlərimizi həll etməyə” və “ümumi müdafiəyə töhfə verməyə” imkan verəcək. “Aİ güclənərsə, NATO da daha güclü olacaq”, o əlavə edib.
Borrell daha əvvəl bildirmişdi ki, Avropa İttifaqı gələcəkdə təhlükəsizlik məsələlərində daha muxtar olmalıdır. Lakin o, Aİ-nin daha muxtar təhlükəsizlik sisteminə nüvə komponentinin daxil olub-olmaması sualını açıq qoyub. (Tass)