Böyük Britaniya hökuməti İsrailin Qəzza zolağının cənubundakı Rəfah şəhərində hərbi əməliyyat başlatması ehtimalından narahatdır. Bu barədə Böyük Britaniyanın Baş naziri Rişi Sunak bildirib.
“Biz orada sığınan mülki əhalinin sayını və qonşu Misirdən humanitar yardım üçün yerli keçid məntəqəsinin əhəmiyyətini nəzərə alaraq, Rəfaha hərbi müdaxilənin mümkünlüyü ilə bağlı narahatlığımızı ardıcıl olaraq ifadə etmişik. Mən bunu baş nazirlə bir neçə dəfə müzakirə etmişəm,” Britaniya hökumətinin başçısı Sky News -da deyib.
O əlavə edib ki, London Qəzza zolağında atəşkəsin yaradılması üzərində işləyir. “Hazırda prioritet bütün tərəfləri, xüsusən də radikal Fələstin hərəkatı HƏMAS-ı girovları azad etmək və daha çox humanitar yardımın gəlməsinə icazə vermək üçün razılaşmaya nail olmaq olmalıdır. Bu, planının bir hissəsidir. Daha sonra davamlı atəşkəsə nail olmaq məqsədi ilə müvəqqəti fasilə”, – Sunak bildirib. (Tass)